Erna Eina í heiminum....

Svona líka ljómandi gaman.

föstudagur, apríl 28, 2006

What about the puffin????

Þetta byrjaði allt á því að systir mín sendi mér e-póst og tilkynnti mér að páfagaukurinn þeirra Putte hefði fundist dauður í búrinu sínu í morgunn. Það var ógurleg sorg hjá elstu dóttur hennar, Söru Ósk, enda fékk hún þennan fugl að gjöf fyrir 2 árum og hún hefur alltaf haldið mikið upp á hann. Á morgun verður haldin fámenn en góðmenn útför fyrir Putte litla. Þessi guli vinur er alls ekki ólíkur Putte.


Í kjölfarið varð mér hugsað til gamla páfagaukarins míns hans Bingó. Hann náði 6 ára aldri en varð svo fársjúkur og varð allur í apríl 1995. Ég hef illan grun um að greyið litla sé enn í nestisboxi, á botni frystikistu foreldra minna í eyjum. Hann hefur sumsé ekki enn fengið jarðaför...10 árum seinna. Að sama skapi varð mér hugsað til Pása hans Afa en hann var alls ekki ólíkum mínum gamla gára. Þegar að Pási "fór í sveitina til Ása frænda" á sínum tíma þá grunaði mig ekki að fuglskrattinn væri dauður, enda hefur hann örugglega kramist undir fjarstýringunni hans Afa.


Nú eftir mikið hugarflug þá hlaut að koma að því að fuglaflensan kæmi upp í kolli mínum. Ég er nú yfirlýstur andstæðingur þessarar fuglaflensu og er með mínar samsæriskenningar um hana. Ég hugsa að þessi flensa hafi verið til staðar alla tíð og að Bandaríkjastjórn sé aðeins að kasta ryki í augu okkar með því að hræða okkur með henni. En hvað um það... ég fékk allt í einu áhyggjur af lundanum og lundapysjunum. Hvað ef enginn vill hjálpa lundapysjunum í ágúst af ótta við fuglaflensuna? Og hvað ef að enginn þorir að fara út í eyju að veiða lunda... þá verður enginn lundi á Þjóðhátiðinni!! Ómæ God!!!!


En svona án gríns... haldið þið að fólk eigi eftir að verða hrætt við að veiða lunda og lundapysjur eða leggja farfugla eins og lundann sér til munns?

Ma ma ma mabara spyr sko.

5 Comments:

Blogger frizbee said...

Það er í fínasta lagi að leggja sér kjöt af sýktum fugli til munns. Bara að passa að elda það vel, alveg eins og með kjúklinginn.

11:06 f.h.  
Anonymous Nafnlaus said...

Hæ!

Ég heiti Alla og ég kann ekki á commentkerfið hjá henni Ernu Björk vinkonu minni:D

8:42 e.h.  
Anonymous Nafnlaus said...

og ég heiti Erna Björk og er lítill rauðhærður kjánabangsi

8:44 e.h.  
Anonymous Nafnlaus said...

Ég átti einu sinni óþolandi, líklega andsetinn gára sem hét Tóbías...hann var EKKERT líkur Pása hans afa..

4:42 f.h.  
Anonymous Nafnlaus said...

Ég var náttúrulega mjög sorgmædd þegar Bingó dó... er eiginlega alveg ennþá að jafna mig sko.. ha ha ha :)

5:33 f.h.  

Skrifa ummæli

<< Home