Erna Eina í heiminum....

Svona líka ljómandi gaman.

mánudagur, maí 09, 2005

Eeeeiiiiitt prrróóóf búúúið!!!

Ég verð nú bara að mannlegri ruslahrúgu eftir próf... ég get svarið það! Ég held ég ætti betur með að hlaupa berfætt með sjónvarpstæki í fanginu upp og niður Esjuna heldur en að leggja þennan prófviðbjóð á mig OJBARASTA!!!!
Annars er ég á leiðinni til London eftir rúmar tvær vikur og hlakka bara nokkuð mikið til. Verð reyndar bara í tvær nætur sem er eins og dropi í hafið þegar maður ætlar að eyða tíma með kallinum sínum en maður kyngir því bara eins og stór stelpa og gerir það besta úr hlutunum.

Annars þykir mér nú miður hversu þunnt tevatn ferðasagan mín til NY var. Það gerðist nú ýmislegt skemmtilegt þarna skal ég segja ykkur. Ég hitti náttúrulega tengdaforeldrana í fyrsta skiptið og það var virkilega hressandi. Fjölskyldan er mjög Amerísk (eins og gefur að skilja). Allur skarinn mætti á seinni tónleikana hjá strákunum og þá er ég að tala um settið, systkini og makar mömmunnar (Roz), bróðir Anthony (James) og Marissa kærastan hans. Það gekk nú ekki lítið á. Þetta er mjög stór og hávær fjölskylda og þau fundu sér góðan stað á svölunum og tóku frá stól sérstaklega fyrir mig. Á tímabili var ég ekki viss hvort þau væru þarna til að sjá Anthony eða mig því þau svoleiðis mynduðu mig fram og til baka. Á endanum komu dyraverðirnir askvaðandi og rifu myndavélina af pabba Anthony og gott betur því þeir tóku filmuna úr vélinni. Kallinn var ekki sá hressasti og sendi þeim fingurinn. Ekki þorðu þeir nú í hann því hann er tæpir tveir metrar á hæð og ansi massívur. Jæja svo byrja þeir að spila og öll hersingin klífur upp á borði og stóla, hoppandi og skoppandi og aftur koma dyraverðirnir hlaupandi og biðja alla vinsamlegast að drulla sér niður. Það þýddi samt ekki að það færi minna fyrir þeim þessum elskum... þau hrópuðu og kölluðu nafn gulldrengsins síns við hvert tilefni og þegar að þriðji gesturinn var búin að fara í dyrnar og kvarta yfir þessum látum lét ég mig bara hverfa og stóð við barinn það sem eftir var af kvöldi.

Æj þetta er besta fólk og þótti mikið til koma að ég var með blá augu... þau voru óð og uppvæg að fá þau gen í sína fjölskyldu hehehehehe:D

Jæja ég er farin að taka smá til í litlu íbúðinni minni... það veitir nú ekki af.

Adios!!!!!!

0 Comments:

Skrifa ummæli

<< Home