BÚIN AÐ TAKA ÁKVÖRÐUN, ERNA EINA ER FLUTT!!

www.123.is/ernaeina

vinsamlegast uppfærið tengilinn á mig.

bleeeeeessssssss

www.123.is/ernaeina

check it out.. á ég að breyta til???

Rockstar pælingar..

Eftir að ég sá loka-performance þáttinn í gær fannst mér það bara vera í loftinu að Magni færi heim. Fýlusvipurinn á Tommy og skítacommentið sem fylgdi í kjölfarið, sagði okkur bara eitt: Tommy vildi ekki bjóða Mr. Iceman að leika í sandkassanum sínum.

Voru þeir að dissa Magna svona í lokin? Nei.. það held ég ekki, þó svo að mér hafi þótt hrokinn í Tommy með öllu óþarfur. Innst inni fannst mér þó eins og Magni væri búinn að pakka í huganum, sáttur eftir amstur sumarsins. Enda má hann vera sáttur, glaður, endurnýjaður og endurfæddur. Magni er kominn í allt allt annan status en hann var í áður. Hann er búinn að fá þá viðurkenningu sem hann á svo sannarlega skilið. Fólk hér heima (þar á meðal ég) fór að meta sönghæfileika hans sem eru ótvíræðir.

Og nú er búið að kynna sigurvegarann.. Rossi Possi. Sjálfri fannst mér Dilana vinna svo á í lokin að hún hefði átt að hirða þetta. Mér finnst hún hæfileikaríkari, en hún þarf heldur ekkert á Supernova að halda. Lukas átti þetta skilið. Klöppum fyrir öllum dráttunum sem hann á eftir að fá í kjölfarið:)

Supernova vildu "freaky" týpu í hljómsveitina sína, "freaky" týpu fengu þeir. Til hamingju með það.

Fyrst og fremst óska ég Magna Ásgeirssyni hjartanlega til hamingju með frábæra frammistöðu!!! Djöfull er þessi gaur magnaður söngvari!! THAT BOY CAN SING DAMN!

Nú er Rockstar runnið sitt skeið, ég var farin að venjast því að vaka frameftir tvær nætur í viku, full af eftirvæntingu. Best að venjast því að fá eðlilegan nætursvefn næstu vikur.

Adjö...

Remember, remember last september.....

Í dag eru 5 ár liðin frá hörmulegu atburðunum sem áttu sér stað í New York.

Afleiðingar þessa atburða hrintu af stað annari atburðarrás sem virðist engan endi ætla að taka.

Mikil spenna ríkir í Bandaríkjunum þar sem nýjustu tölur sýna að nær þriðjungur Ameríkana telja að Bandaríkjastjórn hafi átt aðild að árásinni á WTC.

Nýlega kom Donalds Rumfeld fram í sjónvarpsviðtali og sakaði þá sem ekki eru pro-Bush, um að vera engu betri en nasistar. Þá loksins fengu fréttamenn og almenningur nóg.... hver líður að vera kallaður nasisti fyrir að benda á hið augljósa?

Eftir Patriotic-act þora Bandarískir ríkisborgarar ekki að tjá sig opinberlega og lýsa yfir vanþóknun sinni á þessu hörmulega ástandi sem ríkir núna í landi þeirra. Það er útaf því að Patriotic-act heimilar að einstaklingur sé handtekinn og settur í varðhald að ósekju, án ákæru, fyrir það eitt að vera föðurlands-óvinur. En í því getur einmitt falist það eitt að tala á móti stjórninni.

Staðreyndin er þessi: Eftir að Bush ríkisstjórnin komst til valda, hafa Bandaríkin verið á hraðri niðurleið efnahagslega. "Statusinn" sem þetta land hafði áður er gjörsamlega farinn fyrir bí.

Næst þegar að "hryðjuverkaárás" verður sviðsett á svona aumkunarverðan hátt, og fleiri saklausir gjalda með lífi sínu, mun ríkisstjórnin (eða þeir sem starfa á bakvið tjöldin) notfæra sér það. Menn verða kallaðir til í herinn og heimsbyggð látin halda að það sé allt í nafni réttlætis, til að verjast "terroristum" sem fela sig í hellum eyðimarka Evrópu.
Það er verið að stefna okkur í heimsstyrjöld.
Er okkur sama?

Því miður...því miður.... eru enn 5 ár í næstu kosningar. Það þýðir að þessi stjórn hefur feikinógan tíma til aðgerða sem þeim henta best.

Hugur minn er hjá öllum sem eiga um sárt að binda eftir 9/11

Peace
Erna Björk

HOLD YOUR HORSES!!!!!

Ísland..... Magni er komin í ÚRSLIT!! VÓ!!!!

...ég bara trúi því ekki að ég þurfi að vaka aftur í næstu viku. Magni, nú er skylda að þú sendir cargo af Red Bull til Íslands asap. YOU OWE US!!!!

BTW.. Dilana átti að fara heim að mínu mati.

Coke? Pepsi?

Mér finnst alltaf svo ótrúlega fyndið þegar ég afgreiði fólk og býð því eitthvað að drekka. Flestir svara að bragði: Já eina kók takk! Þá tilkynni ég þeim að við séum því miður ekki með Kók heldur Pepsi. Fólk sem elskar kóksopann er ekki á eitt sátt við að það sé ekki Kóka Kóla á boðstólnum.

Nú það sem ég vildi sagt hafa.....

Það er hægt að skipta viðbrögðum "kókista" við áðurnefndu kókleysi, í nákvæmlega tvo flokka (Þessar niðurstöður hef ég fengið eftir háþróaða og hátæknilega rannsóknarvinnu mína sem gengilbeina undanfarnar 4 vikur).

Flokkur1: Tuð, maldað í móinn... uppgjöf.
Fólk í þessum hópi horfir á mann mjög hörundsárt og setur stút á varirnar eins og lítl börn. Svo tuðar það aðeins, maldar í móinn og gefst svo upp fyrir þessum ógnaröflum Egils Skallagrímssonar. Þegar uppgjöfin er í höfn eiga margir í þessum hóp það til að segja: Já... PESPÍ verður það víst, PESPÍ!!!!... svona eins og til að uppnefna blessaðan drykkinn.

Flokkur2: Allt fyrir kókið.
Í þessum flokki er fólkið sem grípur andann á lofti þegar maður segir þeim að Pepsí ráði ríkjum. Eftir mikla umhugsun horfir þetta fólk þungbrýnt á mann og segir annaðhvort:
a) En... hérna.... eigið þið ekki Kók þarna einhversstaðar á bakvið?
b) Ef ég borga aukalega, getið þið þá reddað Kóki?

Ok, það eru kannski ekki hægt að skipta fólkinu svona í tvo hópa.... eeeeen, allt þetta hefur gerst, og það þó nokkrum sinnum. Mér finnst það alveg DREPFYNDIÐ!!

Poteitó, potató... mér finnst enginn merkjanlegur munur á þessum drykkjum. Get a life!

Djöfuls kelling....


Ég átti alveg priceless moment fyrir utan Nordica hótel í gær. Ég var að flýta mér í skólann, hélt á kaffibolla meðan ég talaði í símann og settist inn í bílinn minn. Þegar ég hafði lokið samtalinu (verulega annars hugar) setti ég bílinn minn í gang. Í öllu hugsunarleysinu sá ég ekki að bílinn var í gír, þar af leiðandi steig ég ekki á kúplinguna og *hóst* bílinn hikstaði og þaut fram á við. Ég var aðeins hársbreidd frá því að þrusa nefinu á stálgirðingu fyrir framan mig en betri vitsmunir mínir tóku til sinna ráða og ég steig á bremsuna í tæka tíð (fjúkk). Ég sat í bílnum dágóða stund í sjokki og krossaði mig fram og til baka, þakklát fyrir að ekki fór ver. Í öllu mínu þakklæti finn ég fyrir alveg stingandi augnráði... lít mér á vinstri hönd og sé mann í bílnum við hliðina á mér horfa á mig með þessum líka svip. Stelpur þið þekkið þennan svip hjá karlpeningnum. Það er þessi svipur hneykslunar sem kemur aðeins upp þegar kvenmaður er við stýri og karlmanni líkar ekki aðfarirnar. Ég las það bara úr andliti hans "djöfuls kellingar, kunna ekki að keyra". Ég leit á hann til baka og ætlaði svo að halda kúlinu... en ég varð svo vandræðaleg og það eina sem ég gat gert var að brosa með tunguna út um munnvikið, halla undir flatt og yppa öxlum.... rétt eins og ég væri að staðfesta að þarna væri með sönnu stelpuhálfviti við stýrið... ooooohhhh, kúlið farið!!! Á leiðinni út úr bílastæðinu lít ég í baksýnisspegilinn og sé að hann horfir á eftir mér, enn með kjálkann á gólfinu og hnyklaðar augabrúnir. Hvað haldið þið að hafi gerst þá??? einhver vespudjöfull flaug í andlitið á mér. Skelfing mín var slík að ég negldi niður bílnum, opnaði bílrúðuna og fleygði mér öskrandi til hliðar. Litla paddan lét sig hverfa út um gluggann mér til mikillar gleði, en þá ég gerði mér náttúrulega grein fyrir því að mannfjandinn var enn að horfa á mig og stórkostlegar aðfarir mínar. Blóðið hafði skotist með ógnarhraða í andlitið á mér, ég fann æðina á enninu standa út eins og trjágrein.... vá þvílík skömm. Ég vissi það.. BARA VISSI ÞAÐ að á næsta pókerkvöldi myndi þessi maður fórna höndum og kunnáttuleysi kvenmanna við stýrið, og félagar hans myndu hrista hausinn og umla í kór: djöfuls kellingar að keyra.